Bu gün beynəlxalq insan hüquqları mübarizəsinin ön cəbhəsində dayanan, BMT tərəfdaşı “CIPDH” – Beynəlxalq İnsan Hüquqlarının Müdafiəsi Komitəsinin Azərbaycan üzrə rəsmi təmsilçisi, general-leytenant Firdovsi Ələkbərovun 74 illik yubileyi qeyd olunur.
CIPDH – hər hansı hökumətdən, siyasi ideologiyadan, iqtisadi və dini təsirlərdən tam müstəqil beynəlxalq qurum olaraq, insan hüquqlarının qorunması, azadlıqların təmin olunması və hüquq pozuntularına qarşı beynəlxalq səviyyədə mübarizə aparan təşkilatdır. Dünyanın müxtəlif ölkələrində hüquqşünaslar, həkimlər, ictimai-siyasi xadimlər, alimlər, jurnalistlər, vətəndaş cəmiyyəti fəalları və müstəqil ekspertləri bir araya gətirərək, insan hüquqlarının qorunması istiqamətində mühüm fəaliyyət həyata keçirir.
Təşkilat müharibə cinayətləri, işgəncə hallarının araşdırılması, cinsi və sosial ayrı-seçkiliklə mübarizə, siyasi hüquqların müdafiəsi, korrupsiya faktlarının aşkarlaşdırılması və beynəlxalq hüquqi mexanizmlər vasitəsilə hüquqların bərpası istiqamətində xüsusi hesabatlar hazırlayır, ictimai rəy formalaşdırır, dövlət qurumları və beynəlxalq strukturlar qarşısında hesabat hazırlayır.
Bu geniş miqyaslı humanitar və hüquqi missiyanın Azərbaycan təmsilçisi olaraq Firdovsi Ələkbərovun illərdir göstərdiyi xidmətlər dövlətçiliyin möhkəmlənməsi, vətəndaş hüquqlarının müdafiəsi və hüquqi düşüncənin beynəlxalq standartlarla harmoniyasına mühüm töhfə verib. Onun fəaliyyəti sülh, ədalət, insan ləyaqəti kimi universal dəyərlərə xidmət edir.
“Açıq göz” ictimai nəzarət təşkilatından təbrik:
Azərbaycanda yeni fəaliyyətə başlamış, ictimai nəzarət və şəffaflıq prinsipini əsas tutan “Açıq göz” İctimai Nəzarət Təşkilatının təsisçisi və rəhbəri İlyas Alıyev və komandasının adından Firdovsi müəllimi doğum günü münasibətilə səmimi-qəlbdən təbrik edirik.
Sizin kimi yüksək peşəkarlığa, beynəlxalq nüfuza, prinsipial mövqeyə malik şəxsiyyətlər vətəndaş cəmiyyətinin güclənməsi üçün ilham mənbəyidir. İnsan hüquqlarının qorunması sahəsindəki xidmətləriniz, milli və beynəlxalq platformadakı mövqeyiniz, humanizm və ədalət prinsiplərinə sadiqliyiniz Azərbaycan üçün qürurvericidir.
Sizə möhkəm can sağlığı, uzun ömür, insanlıq və ədalət naminə başladığınız nəcib missiyada yeni uğurlar arzulayırıq. Əminik ki, fəaliyyətiniz bundan sonra da Azərbaycan cəmiyyətinin inkişafı, hüquq mədəniyyətinin möhkəmlənməsi və vətəndaşların sosial müdafiəsi yolunda mühüm töhfələr verməkdə davam edəcək.
Hörmətlə:
İlyas Alıyev
“Açıq göz” İctimai Nəzarət Təşkilatının təsisçisi rəhbəri
və təşkilatın kollektivi
About the Author
Salam olsun,xeyirxah,fədakar,hüquq müdafiəçisinə.Firdovsi bəy,sizə uzun ömür və can sağlığı arzu edirəm.Qəm,qüsə,kədər ayağımızın tozu,uğur,sevinc,sağlıq başınızın tacı olsun.Ad gününüz,mübarək
Salam Rövşən bəy…Diqqətiniz üçün təşəkkür edirik