Bu gün Açıq Göz İctimai Nəzarət Təşkilatının Bakı şəhəri, Xəzər rayonu üzrə sədri Ələsgərov Elçin Cahan oğlunun 62 yaşı tamam olur.
Ömrünün 62-ci baharına qədəm qoyan Elçin müəllim uzun illərdir ki, ictimai fəaliyyət sahəsində fəallığı, prinsipial mövqeyi və təşkilati bacarığı ilə seçilir. O, rəhbərlik etdiyi Xəzər rayon təşkilatında ictimai nəzarət mexanizmlərinin gücləndirilməsi, vətəndaş müraciətlərinə həssas yanaşma və cəmiyyətlə dövlət qurumları arasında sağlam dialoqun formalaşdırılması istiqamətində mühüm işlər görmüşdür.
Elçin müəllimin fəaliyyəti hər zaman məsuliyyət, dürüstlük və vətənpərvərlik prinsiplərinə söykənib. Onun təşəbbüsləri nəticəsində rayonda ictimai maarifləndirmə tədbirləri təşkil olunmuş, vətəndaşların hüquq və vəzifələri ilə bağlı məlumatlandırılması istiqamətində sistemli addımlar atılmışdır.
Açıq Göz İctimai Nəzarət Təşkilatının kollektivi olaraq Ələsgərov Elçin Cahan oğlunu 62 illik yubileyi münasibətilə səmimi qəlbdən təbrik edir, ona möhkəm cansağlığı, uzun ömür, ailə səadəti və ictimai fəaliyyətində yeni uğurlar arzulayırıq.
İnanırıq ki, Elçin müəllim bundan sonra da öz zəngin təcrübəsi və qətiyyətli mövqeyi ilə təşkilatımızın inkişafına dəyərli töhfələr verməyə davam edəcəkdir.
Doğum gününüz mübarək, Elçin müəllim!
About the Author
